Тормыш җилләре

Бермәлне сагынып сөйләрмен, елмаеп багарлар күзләрем. Ул чакта уйлар да, фикер дә, йөзем дә, үзем дә үзгәрер. Бермәлне сагынып сөйләрмен уйламый юләрлек кылганны. Киң дала буенча йөгереп мәш килеп кууым кылганны. Бермәлне сагынып сөйләрмен битәрләп елавым үземне. Шулкадәр юләргә сабышып, кешедән соравым түземне. Бермәлне сагынып сөйләрмен язмышның иң үткен камчысын. Күңлемә йотуым (мең тапкыр!) яңгырның иң эре тамчысын. Бермәлне сагынып сөйләрмен җилләрнең ыжгырып искәнен. Яшереп саклаган иң ихлас әйтмичә калдырган хисләрне. Энҗе Хөсәенова

Вакыт... Замана шаукымына бирелеп, дөнья куып яшәгәндә барыбызга да ВАКЫТ җитми... Шуңадырмы, гомернең иң кадерле мизгелләре үз кадерен югалта. Әйдәгез, шул хакта уйланыйк әле... Кем өчен чабабыз без? Моның кадәр чабу кирәкме?...

Дуслар! Сезне «Татар гаиләсе» төркеменә чакырабыз.🧡 Безнең белән бергә күңелле гаилә видеоларын карагыз, интернет дөньясындагы иң үрнәк әбиләр,бабайлар, әниләр, әтиләр тормышы белән танышыгыз. Төркемебезгә кушылыгыз! 🤲🏻 https://max.ru/join/ae0P7517FMMqCz4IFynWuSBH_7mgaxUCcnr57K1rI_c

ГОМЕР ТӘМЕ Гомерләрем үтеп киткән икән, Уйлар кочагына алганнар. Тик хыялда,яши бала чаклар, Ә уйларда бергә туганнар. Бергә дигәннәре,бер чорныкы, Уйнаганнар,укып йөргәннәр. Мәхәббәттә сөю хисе табып, Парлы булып гомер күргәннәр. Гомер тәме яши күңелләрдә, Балачагым,үсмер чакларым. Ә гомерләр,бик тиз үтә икән, Сүтелеп килә гомер йомгагым. Тормыш матур,яши белсәң генә, Тәмен белеп якты дөньяның, Ашыкмаска кирәк бу тормышта, Янып торсын күңел учагың. Ямьле булган үткән гомерләрдә, Тарих булып языла ул еллар. Ни әйтсәктә яшәлгәне татлы, Яшәр өчен тагын күпме бар. Бирсен Ходай язмыш сукмакларын, Күңел канатларын сындырмыйк. Гомерләрнең тәме озак булсын, Хыялларда яшәп без калыйк. Фәнил Ахунҗан