Новости д/с Туллукчаана

Бу хаартыскалар бэйэлэрэ кэпсииллэр, көрүҥ, кырачааннар үөрбүт, соһуйбут, ымсыырбыт, дьолломмут харахтарын💕кинилэри сонурҕатар араас дьэрэкээн, сиэдэрэй, дьикти ручкалар коллекцияларын олус астыннылар. Кыра дьон ручка айыллыбыт историятын сэҥээрдилэр, ханныгы' тоҕо сөбүлээбиттэрин үллэһиннилэр, ким эрэ маннык мунньуон баҕарда...Дьиэ кэргэнинэн маннык хабааннаах, оҕо интириэһин тардар, оҕо ылынар, оҕо астынар малларын бары бииргэ коллекциялааһын иитэр' үөрэтэр өрүттэрдээҕин, умсугутар' алыптыыр күүстээҕин кырачааҥҥыт ып 'ыраас, сып' сырдык хараҕар көрүөххүт, ыал бииргэ буолар, түмүллэр ураты тыыныгар булуоххут... " Далаһа" пресс киин. Одуну. "Туллукчаана".

Оҕо тэрилтэтигэр үлэлиир эр дьоммут туһунан иһирэх тыл. Кинилэрэ суох туох да табыллыбат, оҥоһуллубат, бүппэт' оспот. Искэ' таска көмөлөһө, түбүгүрэ сылдьалларын көрөн, киһи астынар. Кинилэр ылыстахтарына, туох барыта ыпсар, бүтэр, ситэр. Нэһилиэк субботниктара, бочуоттаах сынньалаҥҥа олорор ветераннарбытыгар муус ылан тиэрдии боппуруостара, араас хабааннаах акциялар кинилэрэ суох быһаарыллыбат. Элбэх кэрэ аҥардарын, коллегаларын сылын аайы, 8 марта бэйэ хаһаайыстыбатын, булт' ас продукцияларынан лоторея ыытар үтүө үгэстээхтэр. Тэрилтэ, нэһилиэк, улуус да иһинэн ыытыллар' тэриллэр күрэхтэр эмиэ кинилэрэ суох сатаммат. Оҕолор бырааһынньыктарын, күрэхтэрин да ыытыһан сэргэхситиэхтэрэ... Аҕыйах хонуктааҕыта, күһүҥҥү урожайтан хас биирдиибитигэр бэлэх уунан соһуттулар, долгута үөртүлэр. Туллук…