Марий Эл Радио

Марий Элыште 68,4 тӱжем тонн пареҥгым, 43,5 тӱжем тонн пакчасаскам поген налме. Тидын нерген ялозанлык да кочкыш сату министерстве палдара. Арня тӱҥалтышлан чумыр кумдык гыч 95 процент пырчым поген налыныт. Эн ончыч Звенигово, Морко район-влакын, У Торъял округ уржа-сорлам мучашленыт. Чумыржо 336,2 тӱжем тонн киндым шийыныт. Эн сай лектыш Медведево районышто, тыште ик гектар гыч 39,5 центнер дене поген налыныт. Кокияш шурным 43,5 тӱжем гектарыш ӱдымӧ, планым 106 процентлан темыме. Ынде озанлык да фермер-влак пареҥге ден пакчасаскам кораҥдат. Пареҥгым лу районышто 3,2 тӱжем гектарыш шынденыт, тышечын 68 процентше гыч лукмо. Пакчасаскам кандаш районышто 2,2 тӱжем гектарыш шынденыт, 65 процентшым поген налыныт.

Марий Эл гыч механизатор Россий конкурсышто регионын чапшым арала. Таҥасымаш Тамбов олаште эртаралтеш. Тушко Российын 21 регионжо гыч специалист-влак чумыргеныт. Эн самырык – 23 ияш, эн опытан – 61 ияш. Конкурс «Кадры» нацпроектын «Человек труда» федерал проект дене эртаралтеш. Марий Эл гыч федерал этапыш Вятский аграрно-строительный техникум гыч Эдуард Сурков каен. Сеҥышылан тӱҥ приз – 1 миллион тенге, кокымшо вер дене палемдалтшылан – 500 тӱжем, кумшо верлан – 300 тӱжем теҥге.

Каныш кечылаште республикыште йӱкшемда. Эртыше кечыште верын-верын йӱр лийын, южо районышто кӱдырчӧ йӱкат шоктен. Южын температурыжо тиде кечылаште 10-12 градус дечын шокшо огеш лий. Таче да каныш кечылаште республикыште юалге лиеш, южын температурыжо нормо дечын 3-4 градуслан йӱштырак, йӱдым 0 гыч 5 градус марте, кечывалым 6 гыч 9 градус марте. Урал кундем гыч толшо циклонлан кӧра шуматкечын верын-верын южо районышто ночко лум лумын кертеш. Мардеж йӱдвел могырым секундышто 7 гыч 12 метр марте писылык дене пуалеш. Тидын нерген Марий кундемысе гидрометеорологий рӱдер палдара. Йошкар-Оласе метеостанцийын уверже дене, 1936 ийыште рӱдолаште 22-24 градус марте шокшо лийын, тиде пагытыште эн йӱштӧ жап 2001, 1951 да 1998 ийыште. Тунам 5 гыч 7 градус марте йӱштӧ шоген. Пытартыш ийлаште тиде пагы…

Театр-влакын спектальыштым «Триколор Кино и ТВ» онлайн-кинотеатрыште ончыктат. Россий театр ушем тиде проектым илышыш пурта, республикылаште эн ойыртемалтше спектакль-влакын видеоверсийыштым ыштат. Сентябрьыште Константинов лӱмеш академический руш драме театрыште «Сладострастники» спектальыкым сниматленыт. Тиде спектакльым 2021 ийыште Ф. Достоевскийын «Братья Карамазовы» романже дене шынденыт. 13 сентябрьыште Курчак театрыште «Йӱд орол» спектакльын съёмкыжо лийын. Ольош аважын шочмо суртышкыжо толеш, тушто тудым илыше нигӧ огеш вашлий гынат, шочмо ялжын шӱлышыжым, тукымжын вийжым шижеш. Тиде спектакльым режиссер Алексей Ямаев шынден, сӱрет дене сылнештарымылан Сергей Таныгин «Шӧртьӧ маске» премий дене палемдалтын. Нине спекталь-влакым онлайн-кинотеатрыште декабрьыште ончыкташ тӱҥалыт. Ка…

Студийыштына - уна-влак! Программыште Марина Глушкова Советский район Кужмарий тӱвыра пӧртын пашаеҥже-влак Александр Пуртов да Валентина Ефремова дене мутланен. Передачынам тыландат колышташ темлена. #МарийЭлРадио #СтудийыштеУна