"СУНТААР СОНУННАРА" официальный МАХ канал редакции
Без категории · 19 сентября 2026 г.
#Быыбар_2026
#Быыбар_2026 🗳Быыбар иккис күнэ. Госдуумаҕа дьокутааттары талыы быыбарын бүгүн күнүс 15. 00 чаастааҕы түмүгүнэн Сунтаар улууһугар уопсайа 15369 быыбардааччытыттан 34,04 бырыһыана куоластаата. Ол аата - 5232 киһи. 🗳Быыбарга кыттыы билиҥҥитэ үчүгэй. Быйыл саҥа быыбардааччы да, саастаах быыбардааччы да бэйэлэрэ олорор түөлбэлэринэн быыбардыыр учаастакка кэлэн, бырааптарын туһанан быыбардаан бардылар. 👍Холобур,Толоон нэһилиэгин ытык кырдьаһа, тыыл, үлэ бэтэрээнэ, Дьоруой ийэ, 93 саастаах Мария Михайловна Прокопьева учаастакка кэлэн бэйэтин куолаһын биэрэн барда. ✨523 нүөмэрдээх Маар Күөл быыбардыыр учаастагар 282 быыбардааччы испииһэккэ баар. Олор истэригэр 91 саастаах Матрена Андреевна Николаева баар. Төһө да саас ыллар Матрена Андреевна бэйэтэ учаастакка кэлэн быыбардаата: «Мин мэлдьи быыбардарга кыттабын. Бэйэм санаам сытар, нэһилиэгим, улууһум, өрөспүүбүлүкэм, дойдум сайдыытыгар үлэлэһиэ диэн эрэнэр хандьыдааппар куоластыыбын», - диир кини. https://max.ru/channel_suntaarsonunnara