"СУНТААР СОНУННАРА" официальный МАХ канал редакции
Без категории · 18 сентября 2026 г.
Айылҕа – биһиги иккис дьиэбит
Айылҕа – биһиги иккис дьиэбит 🔹🔹 В.И. Иванов аатынан Кэмпэндээйи политехническай хайысхалаах орто оскуолатыгар АЛРОСА экологическай кииниттэн Юлия Владимировна Белова салайааччылаах бөлөх “Айылҕаны харыстаа” диэн экологическай аахсыйа тэрийэн ыытта. Бу үтүө дьыала 2018 сылтан үлэлиир. 🔹Оҕолорго айылҕаны харыстыыр туһунан бэсиэдэ кэннэ, “Ойуурдааҕы луохтуур”, “Аптаах мас” диэн сахалыы ойуулуктары көрдөрдүлэр уонна бииктэриинэ оонньоттулар. 🔹Хас биирдии оҕоҕо куруускалаах, блокноттаах, уруучукалаах, бейсболкалаах рюкзак бэлэх туттардылар. Маны таһынан оскуолаҕа чинчийэр үлэҕэ олус туһалаах “Пчелка У/БИО” диэн ааттаах дьоҕус лаборатория бэлэх ууннулар. 🔹Үөрэнээччилэр мөһөөччүк тутуурдаах, икки бөлөххө арахсан, Кэмпэндээйкэ үрэх уонна эмтээх былыыктаах Мохсоҕоллоох күөл кытыытын ыраастаатылар. Сибиэһэй салгыҥҥа дьаарбайа таарыйа бары биир санаанан, көрүөх бэтэрээ өттүгэр күөл, үрэх тулатын хомуйан, биир сиргэ чөмөхтөөтүлэр. 🔹АЛРОСА тулалыыр эйгэбитин харыстыырга үлэлэһэр киинэ маннык тэрээһини ыытарыттан олус үөрдүбүт диэн үөрэнээччилэр астыннылар. ✍️ Мичийэ ГЕРАСИМОВА, 8-с кыл. үөрэнээччитэ. Кэмпэндээйи