"СУНТААР СОНУННАРА" официальный МАХ канал редакции
Без категории · 16 сентября 2026 г.
Икки күн устата Миирнэйгэ үлэлээтим. Олус тэтимнээх, ис хоһоонноох сырыы буолла, олохто...
Икки күн устата Миирнэйгэ үлэлээтим. Олус тэтимнээх, ис хоһоонноох сырыы буолла, олохтоохтору кытта элбэх таһаарыылаах көрсүһүүлэр аастылар. 🔹М. К. Аммосов аатынан Хотугулуу-Илиҥҥи федеральнай университет Миирнэйдээҕи политехническэй институтун уонна Миирнэйдээҕи региональнай техническэй колледжын устудьуоннарын кытта «Бииргэ хардыылыыр идэлээх дьон» диэн тэрээһин иитинэн атах тэпсэн олорон сэһэргэстибит, оҕолору долгутар боппуруостары дьүүллэстибит. Маннык көрсүһүүлэр түмсэргэ, тирээн турар суолталаах тиэмэлэри аһаҕастык ырытарга уонна быһаарыылары бииргэ көрдүүргэ көмөлөһөллөр. 🔹Миирнэйгэ мини-футболга Бастакы Кубок күрэхтэһиитин көрөн сэргээтим. Ыччат умсугуйан туран оонньуурун, бэйэ-бэйэлэрин өйүүллэрин көрөр үчүгэй даҕаны. Успуорт диэн доруобуйа эрэ буолбатах, бу — хамаанда тыына, дьиссипилиинэтэ, бииргэ үлэлиир дьоҕура. Онон успуордунан дьарыктанарга усулуобуйа тэрийии уонна спортивнай инфраструктураны сайыннарыы улахан суолталаах. 🔹«Комендант» дьиэ кэргэн кафетыгар сылдьан, социальнай хантараак быһыытынан субсидия ылан, бэйэлэрин дьыалаларын арыйбыт дьону кытта көрүстүм. Маннык көҕүлээһиннэри өйөөһүн дьон бэйэтин дьыалатын сайыннарарыгар, үлэ миэстэтин тэрийэригэр уонна экэниэмикэни бөҕөргөтөрүгэр кыахтары биэрэр. Дьоҕус уонна орто урбааны биһиги салгыы өйүөхпүт. Итиэннэ, биллэн турар, бу сырыым кэмигэр Миирнэй олохтоохторун кытта элбэхтик алтыстым. Байыаннай сулууспалаахтары уонна кинилэр дьиэ кэргэттэрин өйөөһүн, инфраструктураны, куораты тупсарыы уонна сайыннарыы боппуруостарын дьүүллэстим. https://max.ru/channel_PetrShamaev