"СУНТААР СОНУННАРА" официальный МАХ канал редакции
Без категории · 21 апреля 2026 г.
Ытыктабыллаах Сунтар улууһун дьокутааттара уонна олохтоох бэйэни салайыныы уорганнарын ...
Ытыктабыллаах Сунтар улууһун дьокутааттара уонна олохтоох бэйэни салайыныы уорганнарын үлэһиттэрэ, муниципальнай сулууспа бэтэрээннэрэ, уопсастыбаннай бэйэни салайыныы актыбыыстара! 🔹🔹Эһигини идэлээх бырааһынньыгытынан – Олохтоох бэйэни салайыныы күнүнэн ис сүүрэхтэн эҕэрдэлиибин! Биһиги судаарыстыбабыт кэскилэ олохтоох бэйэни салайыныы сайдыыта суох кыаллыбат. Дьон олохтоох былааска итэҕэлэ – бу судаарыстыбаннай былааска сыһыан биир сүрүн көрдөрөөччүтэ. Олохтоох былаас нөҥүө гражданнар олохторугар суолталаах боппуруостары быһаарыыга кыттар, бэйэ интэриэһин көмүскүүр бырааптарын олоххо таһаараллар. Норуокка сулууспалыыр – бу ыарахан үлэ уонна үрдүк эппиэтинэс. Бүгүн муниципальнай сулууспалаахтар, бары таһымнаах дьокутааттар, нэһилиэктэр баһылыктарын үлэлэриттэн олохтоох дьон сарсыҥҥы күнэ хайдах буолара быһаччы тутулуктаах. 🔹🔹Бүгүн олохтоох бэйэни салайыныы уорганнарыгар сир-дойду социальнай-экэнэмичэскэй туругар, дьон-сэргэ олороругар табыгастаах усулуобуйаны тэрийиигэ улахан эппиэтинэс сүктэрилиннэ. Муниципальнай үлэһиттэн хаһаайыстыба араас таһымыгар киэҥ билии, эппиэтинэс, куруук бэйэни туттунуу уонна тулуур ирдэнэр. Бэйэҥ олорор улууһуҥ, дьонуҥ туһугар үлэлииртэн үрдүк анал суох. 🔹🔹Ол эрээри олохтоох бэйэни салайыныы –бу соҕотох муниципальнай сулууспалаахтар уонна дьокутааттар эрэ буолбатахтар. Бу күн гражданскай уопсастыба бэрэстэбиитэллэрин – биһиги бастакы көмөлөһөөччүлэрбитин, көхтөөх уонна туора турбат олохтоохторбутун итиитик-истиҥник эҕэрдэлиибин. Эһиги төрөөбүт улууспут сайдыытын туһугар биһигини кытта тэҥҥэ эппиэтинэһи үллэстэн, кыһалҕалары быһаарыыга күүс-көмө буолаҕыт. 🔹🔹Биһиги уопсай сорукпут – төрөөбүт улууспутугар олох таһымын тупсарыы. Бииргэ үлэлээн элбэх үчүгэйи оҥордубут. Биһиэхэ киэн туттарбыт да элбэх, өссө тупсарарбыт да баар! 🔹️🔹️Эһиэхэ эрэллээх буолууну, көхтөөх буолууну, төрөөбүт улууспут туһугар саҥа ситиһиилэри, чэгиэн туругу уонна дьолу баҕарабын! Өрүү аттыгытыгар эрэллээх көмөлөһөөччүлэр уонна биир санаалаахтар баар буоллуннар! Олохтоохтор өйдөбүллэрэ уонна өйөбүллэрэ туох баар мэһэйдэри туоруурга, баҕарбыт түмүккэ тиийэргэ күүс-көмө буоллун! Анатолий ГРИГОРЬЕВ, Сунтар улууһун баһылыга