"СУНТААР СОНУННАРА" официальный МАХ канал редакции
Без категории · 13 апреля 2026 г.
📝Сунтаар улууһун баһылыга Анатолий Григорьев салайааччылаах дэлэгээссийэ «Биир ньыгыл ... — 13 апреля 2026 г. в 13:39:23.713
📝Сунтаар улууһун баһылыга Анатолий Григорьев салайааччылаах дэлэгээссийэ «Биир ньыгыл Арассыыйа» пуорумугар сылдьан, баһылыктар, тэрилтэ салайааччылара төгүрүк остуолларга, пленарнай мунньахха кытыннылар. Баһылык Анатолий Григорьев: - Сунтаар улууһуттан 26 нэһилиэк баһылыктара кэлэн бэйэни салайыныы сийиэһигэр кытта таарыйа, "Биир ньыгыл Арассыыйа" "Түмүк баар!" пуорумугар сырыттыбыт. Араас былаһааккаларга нэһилиэк баһылыктара сылдьан санаа атастастылар. Федеральнай бырагыраамаларынан, национальнай бырайыактарынан уонна "Биир ньыгыл Арассыыйа" ыытар бырагырааматынан туох үлэ барбытын кэпсээтибит. Биэс сыл тухары дьон хараҕар быраҕыллар уларыйыылар таҕыстылар. Холобур, "Хаарбах туруктаах дьиэттэн дьону көһөрүү" бырагырааманан биэстии мэндиэмэннээх түөрт дьиэ тутуллубута. Ону таһынан, массыына суоллара оҥоһулуннулар, аспаалланнылар. Дьэ уонна күүтүүлээх, кэтэһиилээх бассейнмыт үлэҕэ киллэрилиннэ. Оскуолаларга хапытаалынай өрөмүөн ыытылынна. Тыа хаһаайыстыбатын хайысхатынан хотоннор тутулуннулар. Онон, ааҕа турдаҕа элбэх. Биир саамай сүрүн сыалбыт-сорукпут диэн тыа сиригэр дьону олохсутуу буолар. Мин куруук этэбин, эдэр ыччакка куораттан уратыта суох усулуобуйаны тэрийдэхпитинэ эрэ, тыа сиригэр эдэр ыччат олохсуйуоҕа. Инньэ гынан биһиги бу хайысханан үлэлиибит. Холобур, бассейн Үөрэх министиэристибэтин салаатынан киирэн, оҕолор физкультура уруогар дьарыктаныахтара. Итини таһынан, былаһааккаларга сылдьан уотунан сылытыы боппуруоһун туруордубут, ол иһигэр элбэх оҕолоох дьиэ кэргэттэргэ субсидияны, - диэн иһитиннэрдэ.