"СУНТААР СОНУННАРА" официальный МАХ канал редакции
Без категории · 27 сентября 2026 г.
Көмүс күһүн
Көмүс күһүн 🌞Соторутааҕыта аҕай бу кырдалларга отчут илии хотуурунан от охсон куһуйара, арыт тиэхиньикэ бирилии тыаһыыра иһиллэрэ, от үлэтэ күөстүү оргуйара🌾. Оттон тууйас тутуурдаах сир асчыт дьахталлар кырдал кытыытынан сылдьан, тэтэрэ буспут дьэдьэни🍓 хомуйан үлүмнэтэ, күө-дьаа кэпсэтэ сылдьыбыттара. Билигин от үлэтэ бүтэн, отторун тэлгэһэлэригэр тиэйэн аҕалан кээстэхтэрэ. Онон-манан кыра лэкэ кээһиилээх отторун🌾 күрүөлээн-хаһаалаан чөкөппүттэрэ көстөр. Тыа саҕатынан дьэдьэнньиттэр🍓 хаампаттар. Саһарбыт сэбирдэх, көмнөх сиргэ тэлээрэ түһэн, көмүс көбүөрү тэлгэппиттэр. 🌲🌳Айылҕа иһийэн, уу-чуумпу турар. Арай кыырай халлааҥҥа суор элиэтии көтөр, дөрүн-дөрүн хаахыныы хаһыытыыр. ☀Өрөбүл күнү туһанан айылҕалыын алтыһа, санааны сааһылыы кэлэн чэйдии олорор дьоҥҥо аргыый аҕай кукаакылар чугаһыыллар, бадаҕа астарыттан тииһээри гыннахтара. Сиккиэр тыалтан хатыҥ маска ордубут саһарбыт сэбирдэхтэр🍂 сиргэ тэлирии түһэллэр. 🍂Көмүс күһүн, дьыл эмиэ биир кэрэ кэмэ😍 https://max.ru/channel_suntaarsonunnara