"СУНТААР СОНУННАРА" официальный МАХ канал редакции
Без категории · 25 сентября 2026 г.
🔹Бүлүү улууһун үөрэҕирии форумун "Ыал - ийэ тыл биһигэ" түһүлгэтин Бүлүү, Үөһээ Бүлүү,...
🔹Бүлүү улууһун үөрэҕирии форумун "Ыал - ийэ тыл биһигэ" түһүлгэтин Бүлүү, Үөһээ Бүлүү, Сунтаар улуустарыттан барыта 30 тахса киһи көрдө-иһиттэ. 🔸Түһүлгэни О. К. Сосин аатынан өрөспүүбүлүкэтээҕи лиссиэй-интэринээт саха тылын учуутала, Сунтаар улууһун "Күөрэгэй" түмсүү салайааччыта Сардаана Афанасьева иилээн-саҕалаан ыытта. 🔹Сунтаардааҕы "Ийэ тыл" түмсүү салайааччыта Тускулаана Горохова-Кобельянова "Ийэ" диэн тыл дириҥ суолтатын арыйар сэргэх иһитиннэриитинэн саҕаланна. Үөһээ Бүлүүттэн ыалдьыт К. С. Чиряев аатынан норуот педагогикатын Киинин салайааччыта Раиса Васильева түмэл педагогикатын туһунан олус интэриэһинэйдик сырдатта. 🔸Оҕолорун сахалыы тыыҥҥа, сахалыы эйгэҕэ иитиигэ холобур буолар улууспут көхтөөх ыаллара Сунтаартан Надежда, Павел Павловтар, Сандаара-Сыдьаай, Радомир Сергеевтэр, төрөппүттэр Аллыҥаттан Надежда Иванова, Сунтаартан Надежда Спиридонова бэйэлэрин уопуттарын үллэһиннилэр. 🔹Тэрээһин күндү ыалдьыта Феодосия Васильевна Габышева түһүлгэ кыттыылаахтарыгар баҕа санаатын, сүбэ-соргу тылларын тиэртэ. Марианна ПОСКАЧИНА