"СУНТААР СОНУННАРА" официальный МАХ канал редакции
Без категории · 25 октября 2026 г.
#Тускартуһан
#Тускартуһан #Сүбэ Саха сирин кыһына тыйыс уонна тымныы ❄🌬Биллэрин курдук, тымныы кыһын олох -дьаһах өттүгэр кэккэ ыарахаттары үөскэтэр, айылҕаҕа да улахан охсуулаах буолар. 🐧🐦Ол курдук хамсыыр -харамайдарга, кыстыы хаалбыт көтөрдөргө уонна кырачаан чыычаахтарга олох иһин охсуһуу буолар. Ол иһин көтөрдөргө биһиги куттала суох уонна судургутук көмөлөһүөхпүтүн сөп. 🤔Тугунан көмөлөһүөхпүтүн сөп эбит диир буоллахха, дьиэ таһыгар баар кыра чыычаахтарга🐧🐦 анал аһатар уйа (кормушка) оҥоруохха сөп. 📍Тугунан аһатабыт: 📍Тууһа суох сиэмэлэр - тыква эбэтэр подсолнечник сиэмэлэринэн. 📍Сибиинньэ тууһа суох сыатынан, бу улахан тымныыларга чыычаахтарга эбии аһылык уонна энергияларын хаһаанарга наада буолар. ⛔Тугунан төрүт аһаппаппыт, туох буортулаах: 📍Килиэп, туустаах уонна ыыһаммыт сиэмэчкэлэринэн. 📍Кэмпиэт уонна араас минньигэстэр, цитрусовайдар, буорту буолбут аһылык. 🔺Анал аһатар уйалары хайдах туруорабыт: 💨Тыалтан, ❄хаартан хахха миэстэни талыҥ, сабыылаах сиргэ, кыра көтөрдөр батар гына хайаҕастааҥ. 🔹Ыраас иһити туһаныҥ уонна хаалбыт аһылыгы кэмнээн ылаҥ — кураанах аһылыгы кураанах миэстэҕэ харайыҥ. 🔹Күҥҥэ 2–3 төгүл аһатыҥ уонна аһылыгын күн аайы биир кэмҥэ кутуҥ. 🏠Мин бэйэм дьиэм таһыгар араас чыычаахтары аһаппытым хаһыс да сыла буолла. Бэйэм уоппуппуттан үллэстэр эбит буоллахпына, мин сиикэй подсолнух сиэмэтинэн эбэтэр сиикэй арахис баар буоллаҕына ону кыра гынан илдьиритэн аһатабын. ☃💨Улахан тымныыларга сибиинньэ сыатын, эбэтэр ынах арыытын кыра гынан кырбаан биэрээччибин. 🔹Күн аайы,биир да күнү көтүппэккэ аһатабын. Саас халлаан сылыйдаҕына чыычаахтар бэйэлэрэ бараллар. 📍Өйдөөҥ, чыычаахтар тыыннаах харамайдар, аҕыйах күҥҥэ, эбэтэр хаартыскаҕа түһэрэн куйаар ситимҥэ таһаараары эрэ аһатар буоллаххытына аһатымаҥ, ол оннугар аһатар ыалларга,эбэтэр паркаларга баран хаартыскаҕа түһэриҥ. ✍Василисса АНДРЕЕВА, "Сунтаар сонуннара" хаһыат уопсастыбаннай кэрэспэндиэнэ. https://max.ru/channel_suntaarsonunnara