"СУНТААР СОНУННАРА" официальный МАХ канал редакции
Без категории · 26 октября 2026 г.
Аэробот үлэһиттэрэ күннүү сылдьаллар
Аэробот үлэһиттэрэ күннүү сылдьаллар 📌Сунтаар-Устье хайысхатынан бүгүҥҥүттэн өрүскэ аэробот дьону туоратан саҕалаата (Норуокка биллэринэн "баалынай") Сыаната былырыыҥҥытынан 1000 солк. хаалбыт. Ол эрээри, өҥөнү оҥорор дьон спасательнай жилеттары туорааччыларга анаан көрбөттөр эбит. Туорааччы киһиэхэ бэйэтигэр баар буолуохтаах дииллэр. Дьиҥэр, өҥөнү оҥорооччу куттала суох айаны хааччыйыахтаах буоллаҕа. Үлүгэр сыанаҕа өрүһү туоратар буолан баран... 📌 Бүгүн биһиги көрөн турдахпытына элбэх оҕо аэробокка олорсон өрүһү туораата. Биллэн турар, төрөппүттэр оҕолорун маннык кутталлаах тэрилинэн туораталларын долгуйаллар буоллаҕа дии... 📌Билигин быыһык кэмҥэ бу өҥөнү оҥорор тэриллээхтэр кинилэр эрэ буолан, күннүү сылдьаллар. Эбиитин аэробот үлэһитэ "туоратабыт", "туораппаппыт" диэн төрөппүттэргэ суоһурҕанарын иһиттибит. 📌"Хивус" диэн эрэһиинэ подушкаҕа сылдьар сабыылаах тэрил мотуора алдьанан турар диэн улуус дьаһалтатыгар иһитиннэрдилэр. 📌Киһи олоҕо били этэргэ дылы таҥара илиитигэр буолбут. Оттон "Хивуспут" алдьаммыт мотуорун тоҕо эрдэттэн дьаһанан оҥоһуллубатаҕа эмиэ дьону интэриэһиргэтэр. Эбэтэр биһиэхэ өрүс хаайар кэмэ быйыл эрэ буолла дуу?!.. 📌Онон өрүһү туорааччылар спасательнай жилеккытын илдьэ сылдьыҥ. 📝Мира Афанасьева