🎧️ ПСАЛОМ 1
🎧️ ПСАЛОМ 1 Блаже́н муж, и́же не и́де на сове́т нечисти́вых и на пути́ гре́шных не стал, и на седа́лище губи́телей не седе, но в зако́не Госпо́дни во́ля его́, и в зако́не Его́ поучи́тся день и ночь. И бу́дет я́ко дре́во, насажде́нное при исхо́дищах вод, е́же плод свой даст во вре́мя свое́, и лист его́ не отпаде́т, и вся, ели́ка а́ще твори́т, успе́ет. Не та́ко нечести́вии, не та́ко, но я́ко прах, его́же возмета́ет ветер от лица́ земли́. Сего́ ра́ди не воскре́снут нечисти́вии на суд, ниже́ гре́шницы в сове́т пра́ведных. Яко весть Госпо́дь путь пра́ведных, и путь нечисти́вых поги́бнет.
46 просмотров