УПОКОЙ, ГОСПОДИ, ДУШИ НЕВИННО УБИЕННЫХ!
УПОКОЙ, ГОСПОДИ, ДУШИ НЕВИННО УБИЕННЫХ! Молитва за насильственной смертью скончавшихся. Помяни, Господи Боже наш, в вере и надежде живота вечнаго преставлышихся раб Твоих, братьев и сестер наших, от рук супостатов скончавшихся, яко Благ и Человеколюбец, отпущаяй грехи и потребляяй неправды, ослаби, остави и прости вся вольная их согрешения и невольная, избави их вечныя муки и огня геенскаго, и даруй им причастие и наслаждение вечных Твоих благих, уготованных любящым Тя: аще бо и согрешиша, но не отступиша от Тебе, и несумненно во Отца и Сына и Святаго Духа, Бога Тя в Троице славимаго, вероваша, и Единицу в Троице и Троицу в Единстве православно даже до последняго своего издыхания исповедаша. Темже милостив тем буди, и веру яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков. Аминь.