Нэгэ хүгшэн хүршэ залуу хүбүүндээ дураа гутаад, тэрэнээ хулгайшан гэжэ худал үгэ тарааб...
Нэгэ хүгшэн хүршэ залуу хүбүүндээ дураа гутаад, тэрэнээ хулгайшан гэжэ худал үгэ тарааба. Удангүй тэрэнииень сагдаанар барижа, хэдэн үдэр мүшхэжэ мүрдэһэнэй дүнгөөр зэмэгүй байһыень элирүүлбэ. Ямаршье буруу юумэ хээгүй аад, түр зуурашье һаа, түрмэдэ хаагдаһандаа хороо бусалһан хүбүүн үнөөхи хүгшэниие сүүдтэ үгэбэ. Хүгшэн сүүдтэ дуудуулжа, хэһэн хэрэгэйнгээ талаар мэдүүлгэ хэхэдээ: «Миин лэ суу тараагаа ха юмбиб. Гэмтэ хэрэг хээгүйб», - гэжэ хэлэбэ. Судья хүгшэндэ хандажа: «Хүршэ хүбүүн тухайгаа хэлэһэн бүхы юумэеэ саарһан дээрэ бэшэгты», - гэжэ хэлэбэ. Бэшэһэнэйнь һүүлдэ, тэрэ саарһыень бага багаханаар шуу татуулжа: «Гэртээ бусаха замдаа эдэ саарһануудаа газаагуур хаяарайгты. Харин сүүдэй шиидхэбэри үглөөдэр соносхогдохо», - гээд, хүгшэниие гэртэнь табиба. Үглөөдэрынь хүгшэнэй ерэхэдэ, судья: «Та үсэгэлдэр хаяһан саарһануудаа түүгээд ерэгты», - гэжэ хэлэбэ. «Һалхяар хуу хиидэжэ ябашаһан саарһануудые би хаанаһаа олохо хүмбиб?» – гэжэ хүгшэнэй гайхахада, судья: «Һалхинда хиидэһэн саарһануудые суглуулжа болодоггүй шэнгеэр лэ хэн нэгэн тухай тарааһан муу үгэнүүд хүнэй нэрэ хүндые дахин һэргэхэ боломжогүйгөөр бууруулдаг юм», - гэжэ хэлэбэ. Ухаатай хүнэй шэхэндэ ерэһэн хоб тэндээл үлэдэг юм гэжэ хэлсэдэг. Буряад үнэн Макс соо уншагты