🎬 «Чолбон» бөлөх туһунан документальнай киинэ киэҥ араҥаҕа тахсар
🎬 «Чолбон» бөлөх туһунан документальнай киинэ киэҥ араҥаҕа тахсар 🎞️📽️ Алтынньы 1 күнүгэр бары киинэ театрдарыгар айар-тутар олохторо номох буолбут «Чолбон» бөлөх туһунан Надежда Юмшанова-Кыйаара оҥорбут документальнай киинэтэ саха киинэтин сайдыытыгар үлэлии-хамсыы сылдьар продюсердар Сардана Саввина уонна Любовь Борисова арыаллааһыннарынан тахсар. 🎶 «Чолбон» бөлөх 1986-1987 сылларга, улугуруу диэн билиниллибит кэмнэргэ, дьон-сэргэ санаатын саймаардан, сэргэхситэн, тууйуллубут санааларыттан босхолоон уһуктууну аҕалбыт, толкуйдаах, дириҥ ис хоһоонноох ырыаларынан-тойуктарынан норуот бэйэтин ис күүһэ бөҕөргүүрүгэр олук уурбут бэлиэ бөлөх буолар. «Чолбон» бөлөх ырыаларыгар үйэлэргэ симэлийбит өбүгэ аман өһө иһиллэргэ дылы… Ол да иһин кинилэр дьүрүллэрэ бу сыллар тухары сүппэт, уостан түспэт, уостубат. Бу бөлөх төрүтэ уурулларыгар, дьүрүллэрин сахалыы тыыннаабыт, сахалыы итэҕэллээбит киһинэн Тумус Мэхээлэ буолар. 🎬 «Чолбон» туһунан документальнай киинэни олус сэдэх матырыйааллары түмэ тардан оҥордо Кыйаара — Надежда Юмшанова. Кини Верхоянскайга Арыылаах уонна Баатаҕай оскуолаларын кэннэ Санкт-Петербурга киинэ уонна телевидение университетыгар үөрэммит, билигин «Сахафильм» тэрилтэҕэ монтажерунан үлэлиир. Кини саха киинэлэригэр раскадровканы уонна да атын үлэни толорбут идэтийбит айар куттаах киһи буолар. Ол курдук Кыйаара «Холодное золото», «Не хороните меня без Ивана», «На краю света» диэн киинэлэргэ үлэлэспит. Сиhилии ↩️ @ulusmedia