Тумулга "Палитра" айар түмсүү үлэлээбитэ ыраатта...
Тумулга "Палитра" айар түмсүү үлэлээбитэ ыраатта... Быйыл түмсүү худуоһунньуктара (салайааччы Ангелина Семенова) "Үйэлээҕи түстээбит саха саарыннара" улуустааҕы түрбэ быыстапкатыгар ситиһиилээхтик кытыннылар. Аҕыс уруһуйдьут үлэлэрэ Махтал суругунан бэлиэтэммитэ. Соторутааҕыта "Палитра" түмсүү иһинэн маастар-кылаас ыытылынна. Бу күн сөбүлүүр дьарыкпыт кэмигэр ирэ-хоро кэпсэтэн, санаабытын үллэстэн дуоһуйа сынньанныбыт, бириэмэбитин туһалаахтык атаардыбыт. Умнуллубат түгэни биир дойдулаахпыт, худуоһунньук, СӨ култууратын туйгуна, СӨ култууратын үтүөлээх үлэһитэ, Россия худуоһунньуктарын айар сойууһун чилиэнэ Галина Дмитриевна Семенова бэлэхтээтэ. Кэрэҕэ сирдиир настаабынньыкпытын Галина Дмитриевнаны Учуутал күнүнэн эҕэрдэлиибит. Баҕарабыт чэгиэн доруобуйаны, тус олоҕор дьолу, айар үлэтигэр үрдүктэн үрдүк ситиһиини. Лидия Христофорова, Тумул. Хаартыскалар ааптартан. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas