ФОТОФАКТ — 3 октября 2026 г. в 07:00:01.311
ФОТОФАКТ Аҕам саастаах дьон күнүгэр Тиит Эбэҕэ олохтоох бибилэтиэкэбитигэр "Со смартфоном на ты" диэн олус туһалаах тэрээһин буолла. Итии чэйдээх, алаадьылаах тэрээһини бибилэтиэкэрбит Луиза Яндреева ыытта. Кини билиҥҥи кэмҥэ суотабай телефон нөҥүө түөкүттэр хайдах дьону албыннаан харчы уоралларын, улахан суумалаах кредит ыллаттаралларын сиһилии кэпсээн, быһааран биэрдэ. Нэһилиэкпит аҕам саастаахтара туһалаах иһитиннэриини сэргии иһиттилэр, кэпсэтиигэ бары кытыннылар. Бэл, сорохтор, алҕаска маннык түөкүттэргэ түбэспиттэрин кэпсээн соһуттулар, сүбэ-ама биэрдилэр. Бу көрсүһүүттэн дьоммут элбэҕи билэн тарҕастылар. Луиза Давыдовна бибилэтиэкэҕэ өссө хаартыска бэчээттиирин, альбом оҥорорун туһунан билиһиннэрдэ. Анастасия Мордовская, Тиит Эбэ с. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas