Аҕам саастаах дьон декадалара — 4 октября 2026 г. в 05:29:00.584
Аҕам саастаах дьон декадалара Көрсүһүүттэн дуоһуйан тарҕастылар Сиинэ нэһилиэгин ытык-мааны кырдьаҕастарын, аҕам саастаах биир дойдулаахтарбытын Култуура киинигэр ыҥыран ыалдьыттаттыбыт. Толору астаах сандалы тула олорон дьоммут ирэ-хоро кэпсэтэн, уруккуну-хойукку, эдэр саас сылларын ахтан-санаан аастылар, араас оонньуулары оонньоон, ырыа-тойук истэн дуоһуйа сынньаннылар. Көрсүһүүттэн үөрбүт дьоммут вальстаан эргийдилэр, пляска үҥкүүлэн астыннылар. Аҕам саастаахтарбытын нэһилиэкпит баһылыгын солбуйааччыта Софрон Слепцов, дьокутааттар сэбиэттэрин бэрэссэдээтэлэ Эльвира Ефремова эҕэрдэлээтилэр. Биһиги бары ытык кырдьаҕастарбытыгар кытаанах доруобуйаны, уһун, үгүс үөрүүлээх, дьоллоох олоҕу баҕарабыт! Ульяна Степанова, Сиинэ с. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas