Кытыл Дьураҕа биэс дьиэ эбии сылааска холбонно
Кытыл Дьураҕа биэс дьиэ эбии сылааска холбонно Кытыл Дьураҕа былырыын улахан кыамталаах хочуолунай тутуллан үлэтин саҕалаабыта. Саҥа кыстыкка эбии дьиэлэр холбонуохтара диэн эрэл баара. Балаһыанньа хайдаҕый диэн ыйытыылаах ОДьХХ Кытыл-Дьуратааҕы салаатын салайааччытыттан Ньургун Лотовтан сырдата түһэригэр көрдөстүм. - Кыстыгы бэлэмнээх саҕалаатыбыт, ирдэнэр чохпут саас суол сабыллыар диэри тиэллэн турар. Социальнай тэрилтэлэргэ, былырыын холбонуллубут ыалларга сылааһы хааччыйан турабыт. Эбии биэс ыалы ититэр тиһиккэ холбоотубут. Оскуола балай эмэ сылыйда. Билигин хочуолунайбытыгар икки хочуолга 12 хачыгаар үлэлиир, сменаҕа иккилии киһи тахсар. Онон “Ньургуну” диэн ааттаах хочуолунайбыт этэҥҥэ үлэлии турар, - диэтэ Ньургун Валериевич. Людмила Мордовская, хаартыска Нь. Лотовтан. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas