Саллааттары атаакаҕа туруорбута
Саллааттары атаакаҕа туруорбута Биһиги аҕабыт Григорьев Иннокентий Кириллович 1920 сыллаахха тохсунньу 3 күнүгэр Покровскайтан үс биэрэстэлээх I Эргис нэһилиэгин Саадах Ыйаабыт диэн сиригэр Григорьевтар диэн сэниэ ыалга төрөөбүт. Бу ыал 16 оҕотуттан соҕотоҕун ордон хаалбыт. Аҕата Григорьев Кирилл Николаевич уонна ийэтэ Анастасия Трофимовна үөрэҕэ суохтара. 1930 сыллаахтан кинилэр колхоз чилиэнэ буолбуттар. Оҕонньор стахановец эбит. Кини сэрии иннинэ, оттон эбэбит соҕотох оҕото сэрииттэн көрөн баран 1948 сыллаахха өлбүт. Эһэбит бэрт кытыгырас, бэйэтин лаппа кыанар, киэҥ көҕүстээх, ырааҕы өтө көрөр өйдөөх киһи этэ диэн кэпсииллэр. 1930 сыллаахха аҕабыт Покровскай орто оскуолатыгар үөрэнэ киирэр уонна 1941 сыллаахха биир бастакынан бүтэрэр. Оскуола олоҕор актыыбынайдык кыттар. 1937 сыллаахха комсомол кэккэтэгэр киирэр. 1941 сыллаахха эр дьон учууталлар сэриигэ бараллар. Инньэ гынан аҕам ааҕы учууталлата ыыталлар. Оччотооҕута уон кылааһы бүтэрбиттэр улахан үөрэхтээх дьонунан ааҕыллаллара. Сиhилии: https://ханаласгазета.рф/sallaattary-ataakaҕa-turuorbuta/ Александр ГРИГОРЬЕВ, саллаат улахан уола. Өктөм. «Хангаласцы в Великой Отечественной» 2010 г. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas