Бары бииргэ
Бары бииргэ Уокка оттор мас бэлэмнээһинигэр субуотунньук буолла Покровскай куоракка баһылык Виктор Константинов көҕүлээһининэн уокка оттор мас бэлэмнээһинигэр субуотунньук буолла. Манна Спорт дыбарыаһын (дириэктэр Олег Иванов), “Куорат эйгэтэ” АТ үлэһиттэрэ (дириэктэр Андрей Дьяконов), «Айтыын» колледж устудьуоннара (дириэктэр Сергей Сысолятин), Покровскай 1-кы №-дээх оскуолатын 10 кылааһын үөрэнээччилэрэ (дириэктэр Семен Корякин) уонна “Эргис” аҕалар түмсүүлэрэ (бэрэссэдээтэл Петр Дмитриев) төһүү күүс буоллулар. Пааркаҕа «Дружба” тыаһа биир кэм куугунаан олордо, бысталаммыт лэкэ мастары уолаттар сылбырҕатык массыынаҕа тиэйэн истилэр. Таарыйа аҕалар оскуола оҕолорун мас эрбииргэ үөрэттилэр, уолаттар тута үөрэнэн, бэрт көхтөөхтүк үлэлээтилэр. Покровскайбытыгар билигин да күөх төлөн кыайан киирбэтэх ыаллара бааллар, онон субуотунньук күүһүнэн бэлэмнэммит уокка оттор мас бастакы уочарат Анал байыаннай дьайыы кыттыылаахтарын дьиэ кэргэттэригэр уонна кырдьаҕас дьоҥҥо көмө быһыытынан барда. Уйбаан УЙГУУРАП, ааптар видеоҕа устуута уонна хаартыскаҕа түһэриитэ. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas