Туркменистан хомусчута Руслан Сабуров ыалдьыттаата
Туркменистан хомусчута Руслан Сабуров ыалдьыттаата Руслан Сабуровтыын билсибиппит уонтан тахса сыл буолла. Кини мин туспунан куйаар ситимигэр баар суруйуулартан билбит этэ. Эмиэ онтон аадырыспын булан электроннай почтабар сурук суруйбута. Онно хомус музыкатын сөбүлүүрүн уонна хомус тарда үөрэниэн баҕарарын туһунан суруйбута. Ордук саха хомуһун этигэнин сөбүлээбитин, саха хомусчуттарын курдук сыыйа тардарга үөрэниэн баҕарарын тоһоҕолоон бэлиэтээбитэ. Туркменияҕа хомус ууһа суоҕун иһин саха уустарын хомустарын сакаастаан мунньар идэлэммитэ. Онтон ыла, эппитим курдук, уонтан тахса сыл ааста. Ол тухары Руслан сотору-сотору төлөпүөннээн сүбэ-ама ылара, хомус тардыбытын устан ыытара. Онон билигин Руслан сүүсчэкэ хомустаах, бэйэтэ туспа буочардаах хомусчут буола үүнэн-үөрэнэн таҕыста. Ол барыта кини ис сүрэҕиттэн баҕаран туран анаан-минээн сахалыы хомус тардарга ситимин быспакка үөрэммитин түмүгэ буолар. Сиhилии: https://ханаласгазета.рф/turkmenistan-homuschuta-ruslan-saburov-yaldyttaata/ Спиридон Шишигин, Аан дойдутааҕы хомусчуттар түмсүүлэрин салалтатын бочуоттаах чилиэнэ, Аан дойду чулуу хомусчута. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas