Үөрэх эйгэтигэр
Үөрэх эйгэтигэр Оҕолорбут төрөппүттэрин тустарынан хоһуйдулар Ийэ, Аҕа күнүн көрсө оскуолабытыгар оҕолор өйтөн суруйууларыгар, уруһуйга күрэх буолла. Манна 26 үөрэнээччи кытынна. Хас биирдии суруйуу, уруһуй олус истиҥ буолла. Түмүк үс бөлөҕүнэн таҕыста. Кыра кылаастарга Егор Емельянов, Сандаар Тимофеев, Доминика Лукина, орто бөлөххө Анна Сакедонова, Ева Емельянова, Алгыстана Острельдина, улахан оҕолорго Светлана Латышева туһааннааҕынан миэстэлэстилэр. Бу үлэлэргэ – дьиэ кэргэн оҕо ньээкэ уйата, көмүскэлэ, тирэҕэ буолара көһүннэ. “Ханнык да түгэҥҥэ, хайдах да буоллубут төрөппүттэрбит биһигини таптыыллар» диэн этии бигэргэннэ. Туйаара Васильева, 5-Малдьаҕар оскуолатын педагога. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas