Сонун уруокка үөрэннилэр
Сонун уруокка үөрэннилэр Улахан Ааннааҕы модельнай бибилэтиэкэ сэбиэдиссэйэ Альбина Трифонова нэһилиэгин тэрилтэлэрин кытта ыкса үлэлэһэр. Бу күннэргэ кини М.Е. Васильева аат. 2-с Малдьаҕар орто оскуолатын 3-с кылааһын үөрэнээччилэригэр бэрт интэриэһинэй уруогу ыытта. - Аан дойдутааҕы «Үрүҥ торуоска» декада ыытылла турарынан оҕолорго Көрбөттөр күннэрин историятын, хаһааҥҥыттан, тоҕо бу күн бэлиэтэнэр суолтатын билиһиннэрдим. Уруок кэмигэр кырачааннар көрбөт оҕолор тустарынан уус-уран айымньылары таһынан, сирдээччи (поводырь) ыт туохха наадатын, «үрүӈ торуоска» туһунан сонун информацияны биллилэр. Ону сэргэ, оҕолор көрбөт уонна мөлтөхтүк көрөр дьон ааҕалларыгар уонна суруйалларыгар анаммыт Брайль систиэмэтинэн тарбахтарын иминэн таарыйан ааҕан боруобалаатылар, — диэн Альбина Валерьевна иһитиннэрдэ. Ольга Гермогенова. Хаартыскалары Альбина Трифонова тиксэрдэ. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas