ФОТОВИДЕОФАКТ
ФОТОВИДЕОФАКТ Өктөм нэһилиэгэр 5 этээстээх, 85 квартиралаах улахан таас дьиэни үөрүүлээх быһыыга-майгыга арыйдыбыт. Бу дьиэ хаарбах уонна саахалланар туруктаах дьиэлэртэн көһөрүү бырагырааматынан олоххо киирдэ. Онон нэһилиэкпит 85 дьиэ кэргэнэ саҥа, киэҥ, бары өттүнэн тупсаҕай дьиэ күлүүһүн тутан үөрүүлэрэ муҥура суох. Тэрээһиҥҥэ СӨ Тутууга миниистирин солб. Александр Баланов, "СТК" тутуу хампаанньатын генеральнай дириэктэрин солб. Александр Романов, Хаҥалас улууһун баһылыга Сергей Гребнев, Өктөм нэһилиэгин баһылыга Александр Большаков кытыннылар, мустубут дьону эҕэрдэлээтилэр уонна саҥа дьиэ аалай лиэнтэтин быстылар. Олохтоохтор ааттарыттан үлэ бэтэрээнэ, "Эрэл" эбээлэр түмсүүлэрин салайааччыта Евдокия Жиркова дьиэни тутууга үлэлэспит хамаандаҕа барҕа махталын биллэрдэ. Өктөм олохтоохторо биир дойдулаахтарбыт саҥа дьиэлэрэ сылаас буоллун, бары үөрэ-көтө, этэӈӈэ олордуннар диэн баҕарабыт. Федора Фомина, Өктөм с. Хаартыскалары уонна видеоны ааптар тиксэрдэ. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas