Төрөппүт мунньаҕа сонуннук ааста
Төрөппүт мунньаҕа сонуннук ааста И.М. Яковлев аат. Покровскай 1-кы №-дээх оскуолатыгар уопсай төрөппүт мунньаҕа ыытылынна. Үгэс буолбут мунньах быйыл икки түһүмэҕинэн, олус интэриэһинэй форматтаах ааста. Спорт, үлэ уол оҕону уонна аҕаны хайдах курдук биир тыынныырын туһунан Николай, Ольга Пермяковтар дьиэ кэргэннэрэ бэйэлэрин холобурдарынан кэпсээтилэр. Кинилэр өрөспүүбүлүкэтээҕи «Аҕа күрэҕэр» ситиһиилээхтик кыттыбыт уопуттарын үллэһиннилэр. Оскуола учуутала, импровизатор-хомусчут Светлана Ильина баҕалаах төрөппүттэргэ хомуска оонньуурга маастар-кылаас ыытта. Оттон 9-с кылаас көхтөөх ийэлэрэ биир интэриэстээх буоланнар, оҕолорун түмэр сыалтан, хайдах курдук иллээх-эйэлээх түмсүүнү тэриммиттэрин туһунан кэпсээн билиһиннэрдилэр. Таарыйа төрөппүттэргэ сэргэх оонньуулары ыыттылар. Түмүккэ оскуола уопсай үлэтин-хамнаһын хайысхатын, үөрэнээччилэр, учууталлар ситиһиилэрин, инники үлэ былаанын дириэктэр Семен Корякин, үөрэх чааһыгар солбуйааччылара Нюргуяна Уйгурова, Зоя Олесова сиһилии кэпсээтилэр. Ольга Гермогенова. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas