15 февраля – Сретение Господа Бога и Спаса нашего Иисуса Христа
15 февраля – Сретение Господа Бога и Спаса нашего Иисуса Христа Тропарь Сретения Господня, глас 1: Радуйся, Благодатная Богородице Дево, из Тебе бо возсия Солнце Правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение. Кондак Сретения Господня, глас 1: Утробу Девичу освятивый Рождеством Твоим и руце Симеоне благословивый, якоже подобаше, предварив, и ныне спасл еси нас, Христе Боже, но умири во бранех жительство и укрепи люди, ихже возлюбил еси, Едине Человеколюбче. Величание: Величаем Тя, Живодавче Христе, и чтим Пречистую Матерь Твою, Еюже по закону ныне принеслся еси в храм Господень. Задостойник, глас 3: Богородице Дево, упование христианом, покрый, соблюди и спаси на Тя уповающих. В законе сени и писаний образ видим, вернии: всяк мужеский пол, ложесна разверзая, свят Богу Тем перворожденное Слово Отца безначальна, Сына первородящася Материю неискусомужно, величаем.