Храм Преображения Господня в Звездном городке
Без категории · 28 августа 2026 г.
Из акафиста Успению Пресвятой Богородице икос 1:
Из акафиста Успению Пресвятой Богородице икос 1: А́нгел предста́тель по́слан бысть рещи́ Богоро́дице ко преми́рным Ея́ возше́ствие и приити́ предъявле́ние к Ней Сы́ну Ея́ и Бо́гу, све́тло о Ней блиста́яся и стоя́, зовы́й такова́я: Ра́дуйся, прера́дованная Ма́ти Царе́ва; ра́дуйся, Небе́сная Цари́це, Ма́ти Бо́га и Го́спода Небесе́ и земли́. Ра́дуйся, предпочте́нная превели́чеством прише́ствия к Тебе́ Сы́на Твоего́ и Бо́га; ра́дуйся, возвели́ченная извеще́нием Твоего́ к Сы́ну отше́ствия. Ра́дуйся, от всех родо́в Бо́гом избра́нная; ра́дуйся, свято́е вмести́лище Сло́ва Бо́жия. Ра́дуйся, проро́ческаго прорече́ния исполне́ние; ра́дуйся, Апо́столом пречестны́й ве́нче. Ра́дуйся, святи́телем украше́ние и свяще́нником добро́то; ра́дуйся, прави́телем удобре́ние и держа́во. Ра́дуйся, Богому́дрых и́ноков возведе́ние к Го́рнему Ца́рствию; ра́дуйся, отверза́ющая ра́йския две́ри христиа́нскому ро́ду, при́сно Тя блажа́щему. Ра́дуйся, Обра́дованная, во Успе́нии Твое́м нас не оставля́ющая. 🎞️ Успенский утренний трезвон