ИЗ АКАФИСТА ПРЕПОДОБНОМУ СЕРГИЮ
ИЗ АКАФИСТА ПРЕПОДОБНОМУ СЕРГИЮ Икос 5 Видев Преподобный Сергий, яко в мире сем всяческая суета и тлению причастна, потщася вседушно Превечному Богу благоугодити, и воистинну не вотще потрудися: премени бо тленная на нетленная, наипаче же предстояния сподобися у страшнаго Престола Владычня в славе вечней. Темже вопием ему: Радуйся, яко идеже Христос в телеси, таможде и ты пребываеши; радуйся, тамо, яко в зерцале, в Бозе вся Ему любезная созерцаеши. Радуйся, яко созерцая в Нем молящихся ти о помощи, молитвою твоею им полезное ходатайствуеши; радуйся, скорый помощниче призывающим тя во бранех православным. Радуйся, молитвою твоею Российстей стране победы на противныя подаваяй; радуйся, скорбящим скоропредстательный утешителю. Радуйся, немощей телесных и душевных немздоприемный исцелителю; радуйся, многая чудеса благодатию Духа Святаго содеваяй. Радуйся, хромым хождение и слепым прозрение подаваяй; радуйся, грозд винный, питающий нас и веселящий. Радуйся, розго Христа лозы истинныя, мног плод в пособие православным творящая; радуйся, благий рабе и верный, и добрый, делателю винограда Христова. Радуйся, Сергие, скорый помощниче и преславный Чудотворче. 🎞 Фрагмент соборного воскресного пения молебна с акафистом преподобному Сергию Радонежскому