ИИСУСЕ, СТРАДАНЬМИ И КРЕСТОМ ТВОИМ ВЕСЬ МИР ИСКУПИВЫЙ…
ИИСУСЕ, СТРАДАНЬМИ И КРЕСТОМ ТВОИМ ВЕСЬ МИР ИСКУПИВЫЙ… Кондак 1 Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти: Иисусе, Сыне Божий, помяни нас, егда приидеши во Царствии Твоем. Икос 1 Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти: Иисусе Боже, Любы Предвечная, тако о нас, земнородных, возблаговоливый; Иисусе, милосте безмерная, к человеком падшим долу низшедый. Иисусе, в плоть нашу оболкийся, и смертию Своею смерти державу разрушивый; Иисусе, Божественными Твоими Тайнами нас обоживый. Иисусе, страданьми и Крестом Твоим весь мир искупивый; Иисусе, Сыне Божий, помяни нас, егда приидеши во Царствии Твоем. Фото: воскресный акафист Страданиям Христовым (пассия)