Храм Преображения Господня в Звездном городке
Без категории · 20 октября 2026 г.
РАДУЙСЯ, УВЕСЕЛЕНИЕ И ОТРАДА К ТЕБЕ ПРИБЕГАЮЩИМ
РАДУЙСЯ, УВЕСЕЛЕНИЕ И ОТРАДА К ТЕБЕ ПРИБЕГАЮЩИМ Икос 4 Слышаша, Преподобне отче Сергие, ближнии и дальнии ангелоподобное твое житие, и благодати чудес струю выну текущую, яко молитвою твоею прокаженнии очищаются, слепии прозирают, хромии ходят и разнообразных недуг с верою притекающии здравие улучают, сих избавльшеся вопияху к тебе таковая: Радуйся, мироварнице, на вся недуги врачевание подавающая. Радуйся, безмездно паче естества врачу скоромилостивый. Радуйся, милости превеликия и скорбным сострадания сокровище. Радуйся, всеусерднаго о людех промышления приятелище. Радуйся, душу свою за человеки положити готовый. Радуйся, увеселение и отрада к тебе прибегающим. Радуйся, мертвеца преславно молитвою твоею ожививый. Радуйся, оскудение монастырское в пищи исполнивый. Радуйся, на сусе месте поток водный тещи у Бога испросивый. Радуйся, яко таяжде вода, молитвою твоею исцеляющи недуги, чудодействует. Радуйся, чудес пучино, Богом излиянная. Радуйся, желаемых благ пришедшим к тебе подателю. Радуйся, Сергие, скорый помощниче и преславный Чудотворче. 🎞️ Фрагмент воскресного акафиста преподобному Сергию. Любительский хор храма Преображения Господня 📌Акафист преподобному Сергию, игумену Радонежскому, совершается в нашем храме по воскресениям, начало в 18:30