Тропарь, глас 4
Тропарь, глас 4 А́гница Твоя́, Иису́се, Фоти́ние, /зове́т ве́лиим гла́сом: /Тебе́, Женише́ мой, люблю́, /и Тебе́ и́щущи страда́льчествую, /и сраспина́юся и спогреба́юся креще́нию Твоему́, /и стражду́ Тебе́ ра́ди, /я́ко да ца́рствую в Тебе́, и умира́ю за Тя, /да и живу́ с Тобо́ю, /но я́ко же́ртву непоро́чную приими́ мя с любо́вию поже́ршуюся Тебе́. /Тоя́ моли́твами, //я́ко ми́лостив, спаси́ ду́ши на́ша. Кондак, глас 2 Храм Твой всечестны́й, /я́ко цельбу́ душе́вную обре́тше вси ве́рнии, /велегла́сно вопие́м ти, /му́ченице Фоти́ние, великоимени́тая: //Христа́ Бо́га моли́ непреста́нно о всех нас. Величание Велича́ем тя, /страстоте́рпица Христо́ва Фоти́ние, /и чтим честно́е страда́ние твое́, /я́же за Христа́ //претерпе́ла еси́.
1 226 просмотров