Молитва преподобной Пелагии Антиохийской
Молитва преподобной Пелагии Антиохийской О, святая и богомудрая матерь наша преподобная Пелагие. Ты во еди-нем часе возлюбившая Господа Иисуса, все земное оставила еси невозвратно, устремилася еси к великим и спасительным подвигам, яже и совершила еси евангельски во много крат. О, приснопамятная, ты для иночествующих явилася еси красотою духовною, ты добре усвоила еси непорочное житие, ты на земли возлюбила еси жизнь Ангелов и непрестанно в затворе воспевала еси Того, Иже по велицей Своей милости укрепил есть женскую немощь для борьбы с коварным врагом спасения человеческаго. Сего ради днесь, в день твоей светлой памяти, мы ублажающе тя, просим: пролей твою всесильную молитву о нас грешных пред престолом Святыя Троицы о милости Божией к нам еще зде пребывающим в плачевной юдоли земней, о еже достигнути и нам твоими молитвами жизни в селениях праведных, идеже ты пребываеши со всеми святыми во веки веков. Аминь. Подписывайтесь: https://max.ru/channe! Molitvenniychit