Сегодня, согласно
Сегодня, согласно решению Священного Синода от 30 октября прошлого года на Подворье впервые был отслужен молебен О ИСЦЕЛЕНИИ ДЕТЕЙ ТЯЖКО БОЛЯЩИХ И О РОДИТЕЛЕХ ИХ. Дата установлена не случайно, 1 октября н.ст. празднуется икона Божией Матери «Целительница». В последовании молебна есть такие прошения на ектеньях: О е́же призре́ти на младе́нцы и о́троки лю́те стра́ждущия, и исцели́ти всяк неду́г и вся́ку боле́знь в них гнездя́щуюся, Го́споду помо́лимся. О е́же ми́лостивно услы́шати глас моли́твы нас недосто́йных рабо́в Свои́х, к Нему́, я́коже жена́ ханане́йска, вопию́щих, и я́коже тоя́ дщерь поми́ловати и исцели́ти де́ти боля́щия, Го́споду помо́лимся. О е́же вско́ре, я́коже сы́на му́жа царе́ва и дщерь Иаи́рову, сло́вом си́лы Своея́ воста́вити, и от боле́зни ско́ро изба́вити их, Го́споду помо́лимся. О е́же прия́ти моли́твы и воздыха́ния роди́телей и сро́дников их, Го́споду помо́лимся. И молитва: Влады́ко Человеколю́бче, Го́споди Иису́се Христе́, Бо́же наш, долготерпели́вый и многоми́лостивый, ве́лия ми́лость Твоя́ и неизрече́нно милосе́рдие Твое, вся объе́млет любо́вь Твоя́ и ничто́же невозмо́жно Тебе́, а́ще то́кмо восхо́щеши. Ты бо рекл еси́, Го́споди: оста́вите дете́й приходи́ти ко Мне, таковы́х бо есть Ца́рствие Бо́жие, и Иаи́рову дщерь от одра́ сме́ртнаго воздви́гл еси́, и егда́ не́кий царе́в муж, его́же сын боля́ше в Капернау́ме, с наде́ждою приступи́ к Тебе́, рекл еси́ ему́: Иди́, сын твой жив есть. Сего́ ра́ди мы, гре́шнии и недосто́йнии, к Тебе притекаем и, в покая́нии припа́дающе, мо́лим Тя о ча́дех, младе́нцех и о́троцех неду́гующих и боле́зньми тя́жкими лю́те стра́ждущих: не отри́ни их, к Тебе приходя́щих и ми́лости от Тебе́ ча́ющих, и воздви́гни их от одра́ боле́зненнаго це́лых и всесоверше́нных. При́зри, Бо́же, и на роди́тели чад боля́щих, уврачу́й сердца́ их скорбя́щая Божественными словесы́ Твои́ми, уныва́ющия укрепи́, во отча́яние впа́дшия возста́ви, испо́лни их ве́ры, наде́жды и упова́ния на ми́лость Твою́. Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, со Безнача́льным Твои́м Отце́м и Пресвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Аминь