Дугарма Батоболотова
Дугарма Батоболотова АМАРШАЛГА Үбэл гү, намар гү, хабар гү жэгдээр, Шуурган гү, сэлмэг гү танил зүргөөр, Үдэр бүри дэбтэр бариhан, Шуумгай хүнгэн алхална Багша. Танил, дадал, түрэл болоhон, Уужам, сэбэр, hаруул hургуули, Тэршээ солбон хүүгэд угтаха. Үдэр бүриин хэшээл эхилхэ. Үзэг, үгэ, нэмэлгэ, хороолго, Үнгын, янзын мэдэсэ, үзэгдэл, Гайхал, найдал, хүүгэдэй hонирхол, Гэрэл, туяа хүртөөhэн мэргэжэл! Эрдэм, гэгээрэл, байдалай замда, Эхин харгыда залаhан Багшада, Эдир хүүгэдэй сэдьхэл зүрхэндэ, Эрхим мэдэсэ шэнгээhэн Багшада - Амаршалгын дулаахан үгэнүүдые Альган дээрээ барижа дохиноб! Үлзы буянтай ажалайтнай харгыда Үреэлэй дээжэ үргэжэ баринаб! hургаhан хүүгэдтнай бэлигтэй байг! hанаhан хэрэгтнай бүтэсэтэй байг! Эб найрамдал мандажа байг! Эрдэм бэлиг хүгжэжэ байг! 05.10. 2026 он. Сахюурта.