ВЕЛИКАЯ ПОКАЯННАЯ МОЛИТВА 🙏
ВЕЛИКАЯ ПОКАЯННАЯ МОЛИТВА 🙏 Читают в пост, перед исповедью или в моменты внутреннего кризиса, чтобы остановиться, увидеть, где человек сбился с пути, с искренним желанием начать исправляться, осознать свои грехи и вернуться к Богу с живым и настоящим покаянием. Откуда начну плакати окаяннаго моего жития деяний? Кое ли положу начало, Христе, нынешнему рыданию? Но яко благоутробен, даждь ми прегрешений оставление. Прииди, окаянная душе моя, с плотию твоею, исповеждься Зиждителю всех, и отступи от прежняго безсловесия, и принеси Богу в покаянии слезы. Подражах первозданному Адаму преступлением, познах себе обнажена от Бога и присносущнаго Царствия, и сладости, грех ради моих. Увы мне, окаянная душе, что уподобилася еси Еве? Видела бо еси зло и уязвилася еси горько, и коснулася еси древа, и вкусила еси дерзостно безсловесныя пищи. Вместо Евы чувственныя, мысленная ми бысть Ева — плотский помысл, показуя сладкая и вкушая присно горькаго напоения. Достойно изгнан бых из Едема, якоже Адам, за преступление заповеди Твоея, Спасе. Что же сотворю? Аз бо есмь наг и постыден. Не воззвах к Тебе, Господи, егда согрешах, ниже возопих: согреших, помилуй мя! Но безчувствен пребых, и в лености житие мое иждих. Но ныне припадаю Ти, милосердый, и вопию: согреших, Господи, согреших Тебе, помилуй мя, падшаго. Время живота моего мало есть и исполнено болезней и лукавства, но в покаянии мя приими и в разуме призови, да не буду стяжание чуждому. Судие мой и Ведый моя, паки приидеши со ангелы судити миру всему: тогда, видяй мя, помилуй, Боже, и пощади мя, паче всякаго человека согрешивша.