Ньокуск город бэгэнни Дмитрий Садовников «Саханефтегаз» генеральнайды директорньунни Ви...
Ньокуск город бэгэнни Дмитрий Садовников «Саханефтегаз» генеральнайды директорньунни Виктор Лебедевньун бакалдаматтан. Укчэнмэчэктуэливундьи аавдачимур нэритэн дуручиҥкэв ичин ирудавур, тали он ньэкэннэвур. Эйэнэ окатли даванмайли паром гургэн муднакан, Ньокускай городу ичин дуручиҥкэлкэн бивкэндэвур укчэнмэттэ. Эрэк инэҥилду Һэргэҕ Бэстях нефтебазалан һэл һотарандули дьугучиҥкэ гургэн биддэн. Аи-92, АИ-95 ньан дизельды дуручиҥкэ чэлэн 9 103 тонна. Эрэк илупчав дьалабгидавур ньан городла дуручиҥкэ гургэн дьугувэн аилтадай эҥив бөдни. Гөнидьитэн ньан Һэргэҕ Бестях нефтебазадукун Ньокуск нефтебазаткин эгдьэн транспорач дьугудэвур оочал. «Саханефтегазач» АО, городла биси АЗС - такин бэйҥидьур кампаниелдук һө нтэн, суткала лимитэн ачча. Өмнэкэн иидэй лимитэн 20 л. (51 номералкан АЗС - 30 литрлэ истала). Тачин ньэкрэ бэил эдэтэн һилра, эчин адыкун һээду- ньун бидэн укчэнмэтэҥэтэн. Город дулаҕлан бисил чэлэн организациял ньан город службални дуручиҥкэли карталкасалду, АЗСл-дук заправкаланна.Ноҥардутан очеред ачча. Чэлэн транспорал штатнай режимэч гургэвчир. Эррөчин дьугулин городу ҥунэмэттил, АО «Саханефтегазсбыт» укчэннэ. Ньокадидук тулматтан Зоя Степанова. РS. Эрэв печатла ньөвэлдэ.