Клуб доолин биси “Өсил нулгэри һотарандулитан” гэрбэлкэн «Кюпцы – Аян – Кюпцы» маршрутл...
Клуб доолин биси “Өсил нулгэри һотарандулитан” гэрбэлкэн «Кюпцы – Аян – Кюпцы» маршрутли экспедиция һолнэдьэкэн Эрэк анҥани ньөчэ биаҕан мудандун «Өсил нулгэри һотарандулитан» клуб долин тэгупчэ муиттил бэиҥэлни эвэнкил этнокультурнай дулаҕ дьутан «Чэчэбил» Кюпцы билэклэ гиадмар экспедицияв ооритан «Кюпцы – Аян – Кюпцы» һотарандули. Экспедиция муиттэй иимкачиндьин бисин айано майамҥал эвэнкил Охотскай намдук тиикэрэп ииндьидди билэктэки Кюпцитки нулгэдэҥмутэн һотармутан һаадавур.Һаридьит, мут өсиҥэлти Мая, Олдан окаталдула тэҕритэн, Охотскай (Лама) намдук Горими һиэпту чэлэлин. Анҥантан экспедициял Мая окатли 2023 анҥанидук общественнай гургэ бэлнэдьин ообадда, бугинук бюджеттук ач тамна. Мутту факт нада, өсиҥэлти һотарандулитан ҥэнэддит анҥантан ичукэтитэ, ньунуттэ иав-гул анҥамтав, дьуллэ эчэв һаавра, тадук һөнтэн мутту һэбдьэнь өсиҥэлти һаанилньунтан – эвэнкилньун, ньокалнун һаамулкуматтин, дьуллэ Ньока областилан Охотскай (Лама) намнанистала тэгэмэр ҥуунэмэчиддэкэн ииндьиччэлньун. https://ilken.ru/evenskiy/2026/10/07/ekspedicziya-klubnogo-formirovaniya-put-predkov-po-marshrutu-kyupczy-ayan-kyupczy/