Ааспыт сылларга кыыл таба дьиэ табатын тоҕо анньан илдьибитин курдук алдьархайы өлөөннө...
Ааспыт сылларга кыыл таба дьиэ табатын тоҕо анньан илдьибитин курдук алдьархайы өлөөннөр быйыл хатылыыр санаалара суох… Ааспыт понедельникка Дьэһиэйтэн А.П. Егоровка звоннаан Улахан Куонаапканы таҥнаран улахан халыҥ үөр кыыл таба эһигини көрбүтүнэн барда диэн звоннаабыттар. Анатолий Прокопьевич ол туһунан оройуон дьаһалтатын салалтатыгар этэн, чрезвычайнай хамыыһыйа мунньаҕын оҥорторон, 1т. бензин бэрдэттэрэн 1 уонна 5 ыстаадаларга уолаттары көмөҕө ыыппыта. Биригэдьиир С.В. Топоров, Иннокентий Степанов, Иван Данилов икки квадроциклынан табаһыттарга тиийэннэр, Киэҥ Тээн диэн сиртэн бэҕэһээ Улахан Куонаапка бэтэрээ биэрэгэр ыстаадалар табаларын аҕаллылар, мантан көбүс-көнөтүк бардахха 200-кэ км тэйиччи сиргэ. Урут кыыл таба дьиэ табатын тоҕо анньан илдьээһинигэр оруобуна маннык ситуация этэ, ол иһин эрдэттэн маннык дьаһаллар ылыныллан эрэллэриттэн М.Х. Николаева баһылык И.А. Саввиновка, солбуйааччытыгар Ю.С. Ефимовка, тэрилтэлэр салайааччыларыгар махтанар. Уолаттар күн аайы сибээскэ бааллар (билигин пейджеринэн спутник нөҥүө смс ыытан эрэ кэпсэтэллэр), табаларын кэтииллэр, балаһыанньаны биллэрэ олороллор. Гаврил Атаков. Оройуон дьаһалтатын пресс-сулууспата. Хаартыска Марина Николаева https://ilken.ru/sakha/2026/10/27/aaspyt-syllarga-kyyl-taba-die-tabatyn-to%d2%95o-annan-ildibitin-kurduk-aldarhajy-%d3%a9l%d3%a9%d3%a9nn%d3%a9r-byjyl-hatylyyr-sanaalara-suoh-2/