Тыа хаһаайыстыбатын миниистирин солбуйааччыта Сахаяна Павлова, министиэристибэ департам...
Тыа хаһаайыстыбатын миниистирин солбуйааччыта Сахаяна Павлова, министиэристибэ департаменын сүрүн исписэлииһэ Дьулустан Харлампьевтыын уонна улуус баһылыга Степан Саргыдаев Чурапчы улууһугар «Харыылаах» быһытын көрдүлэр. Бу быһыт Чурапчы-Таатта улуустарын уунан хааччыйар сүрүн быһытынан буолар. 1986 сыллаах тутуу буолан эргэрэн, 2024 сыллаахтан өрөмүөн үлэтэ бара турар. Үлэни «Упрмелиоводхоз» тэрилтэ уонна «ДобунТехСтрой» ХЭТ ыыта сылдьар, ахсынньыга бүтэриэхтээхтэр. Билиҥҥи туругунан котлован тэрилэ, сыбаайата уонна арматура баайыыта бүппүт. Ууну быраҕар монолитнай билиитэ бетонун кута сылдьаллар. Санатан эттэххэ, улууска 49 гидротехническэй тутуу баар. Балар бары тыа хаһаайыстыбатын министиэристибэтин «Упрмелиоводхоз» тэрилтэтин көрүүтүгэр бааллар.