Күндү Орто Үөрэх Кыһатын үлэһиттэрэ, преподавателлэрэ, устудьуоннара!
Күндү Орто Үөрэх Кыһатын үлэһиттэрэ, преподавателлэрэ, устудьуоннара! Үөһээ Бүлүү улууһун дьаһалтатын аатыттан уонна тус бэйэм ааппыттан эһигини барыгытын Орто Үөрэх Кыһатын күнүнэн итиитик-истиҥник эҕэрдэлиибин! Бу күн – биһиги өрөспүүбүлүкэбит уонна улууспут инники кэскилин түстүүр, эдэр ыччаты үөрэххэ-билиигэ уһуйар, идэҕэ такайар үөрэх кыһаларын чиэстиир сүдү суолталаах күн. Орто үөрэх кыһалара – дьоҕурдаах, талааннаах ыччаты үүннэрэргэ, ыччаттар саҥа идэлэри баһылыылларыгар көмөлөһөргө, билиилээх, туһалаах исписэлиистэри бэлэмнииргэ сүӈкэн кылааты киллэрэллэр. Ол курдук, Үөһээ Бүлүү улууһугар 3 орто үөрэх кыһата улууспут инники кэскилин кэрэһэлии эдэр исписэлиистэри үөрэтэллэр. Биһиги улууспут билии уонна сайдыы киинэ буоларыгар эһиги тэрилтэлэргит сүҥкэн кылааты киллэрэллэр. Үөһээ Бүлүүтээҕи техникум, Дьокуускайдааҕы медицинскэй колледж Үөһээ Бүлүүтээҕи салаата, Дьокуускайдааҕы педагогическай колледж Үөһээ Бүлүүтээҕи салаата, улууспут сайдыытыгар саҥа күүһү-уоҕу биэрэҕит. Бу дьоро күҥҥэ эһиэхэ барыгытыгар чэгиэн-чэбдик туругу, дьолу-соргуну, үлэҕитигэр уонна үөрэххитигэр саҥа ситиһиилэри, айымньылаах үлэни, бары саҕалааһыннаргытыгар табыллыыны баҕарабын! Эдэр ыччат өйүн-санаатын сайыннарар, кэскиллээх идэлэри баһылыырга сирдиир улуу үлэҕит өрүүтүн үрдүктүк сыаналаныаҕа! Эҕэрдэни кытта Үөһээ Бүлүү улууһун баһылыга, В. В. Николаев. #ДеньСПО #ВерхневилюйскийРайон max.ru/channel_VNikolaev