Бүгүн, Балаҕан ыйын 1 күнүгэр В.А.Местников аатынан Алаһыай уопсай үөрэхтээһин орто оск... — 1 сентября 2026 г. в 22:27:50.260
Бүгүн, Балаҕан ыйын 1 күнүгэр В.А.Местников аатынан Алаһыай уопсай үөрэхтээһин орто оскуолатыгар (дир. Н.М.Кондакова) Билии күнүн бырааһынньыга үөрүүлээх быһыыга-майгыга ытылынна. 2026-2027 үөрэх дьылыгар уопсайа 54 үөрэнээччилээх үлэтин саҕалаата. Кэрэ сибэкки тутуурдаах оҕо үөрэн-астынан үөрэнээччи буоллум диэн сананан, быйыл аан маҥнай оскуола боруогун 11 оҕо (2 уол, 9 кыыс) үктэннилэр. Кылаас салайааччытынан алын кылаас үрдүк категориялаах учуутала, Саха өрүспүүбүлүкэтин үөрэҕириитин туйгуна Мотрена Николаевна Колесова ананан, оҕолорун кылаастарыгар сиэтэн киллэрэн, маҥнайгы уруоктарын ыытта. Нэһилиэк баһылыга Николай Николаевич Кондаков төрүппүттэри, үөрэнээччилэри эҕэрдэлээн туран, маҥнайгы кылаас үөрэнээччилэригэр бэлэх рюкзактары уонна үөрэх тэриллэрин туттартаата. Учууталлары, үөрэнээччилэри, төрөппүттэри саҥа үөрэх дьыла саҕаламмытынан эҕэрдэлиибит. Баҕарабыт үлэҕитигэр, үөрэххитигэр ситиһиилэри.