Үрүҥ Тунах ыһыаҕынан нэһилиэгим дьонун- сэргэтин итиитик-истинник эҕэрдэлиибин! — 21 июня 2026 г. в 00:23:39.342
Үрүҥ Тунах ыһыаҕынан нэһилиэгим дьонун- сэргэтин итиитик-истинник эҕэрдэлиибин! Саха ыһыаҕа мэлдьитин ил-эйэ, доҕордоһуу туоната, түмсүү түһүлгэтэ буолан, омук быһыытынан олоххо тирэхтээхпитин, инникигэ эрэллээхпитин кэрэһилии турдун! Нэһилиэкпит дьоно эбиллэ, үксүү турдун, кыаҕа улаатан, күүһүрэн истин! Кэнчээри ыччаппыт ситиһиилээх, дьулуурдаах, инникигэ эрэллээх буоллун. Күндү Алаһыайым нэһилиэгин олохтоохторо, ытыктабыллаах ыалдьыттара! Ийэ айылҕабыт силигилээн, тупсан-киэркэйэн, бырааһынньык тыынын өрө көтөҕөр кэмигэр эһиэхэ хас биирдиигитигэр чөл туруктаах олоҕу, этэҥҥэ буолууну баҕарабыт. Нэһилиэкпит сайда, силигилии турдун, дьоммут-сэргэбит дьоллоох-тускуллаах буоллун! Алаһыай нэһилиэгин аҕа баһылыга.
173 просмотров