Севский Спасо-Преображенский женский монастырь
Без категории · 21 сентября 2026 г.
21 сентября - Рождество Пресвятой Богородицы Владычицы нашея Богородицы и Приснодевы Ма...
21 сентября - Рождество Пресвятой Богородицы Владычицы нашея Богородицы и Приснодевы Марии. Тропа́рь, гла́с 4: Рождество́ Твое́, Богоро́дице Де́во, ра́дость возвести́ все́й вселе́нней: из Тебе́ бо возсия́ Со́лнце Пра́вды — Христо́с Бо́г на́ш, и разруши́в кля́тву, даде́ благослове́ние, и упраздни́в сме́рть, дарова́ на́м живо́т ве́чный. Конда́к, гла́с 4: Иоаки́м и Анна поноше́ния безча́дства и Ада́м и Ева от тли́ сме́ртныя свободи́стася, Пречи́стая, во святе́м рождестве́ Твое́м. То́ пра́зднуют и лю́дие Твои́, вины́ прегреше́ний изба́вльшеся, внегда́ зва́ти Ти́: непло́ды ражда́ет Богоро́дицу и Пита́тельницу Жи́зни на́шея. Стихи́ра пра́здника, гла́с 6: Се́й де́нь Госпо́день, ра́дуйтеся, лю́дие: се́ бо Све́та черто́г и кни́га Сло́ва Живо́тнаго из утро́бы произы́де, и Яже к восто́ком две́рь, ро́ждшися, ожида́ет вхо́да Святи́теля вели́каго, еди́на и Еди́наго вводя́щи Христа́ во вселе́нную, во спасе́ние ду́ш на́ших. Величание: Велича́ем Тя, Пресвята́я Де́во, и чтим святы́х Твои́х роди́телей, и всесла́вное сла́вим Рождество́ Твое́. Задостойник: Велича́й, душе́ моя́, / пресла́вное рождество́ Бо́жия Ма́тере. Чу́жде ма́терем де́вство / и стра́нно де́вам деторожде́ние; / на Тебе́, Богоро́дице, / обоя́ устро́ишася. / Тем Тя, вся племена́ земна́я, // непреста́нно велича́ем.