5 ноября Православная Церковь совершает память святителя Игнатия, патриарха Константино...
5 ноября Православная Церковь совершает память святителя Игнатия, патриарха Константинопольского (877–878). Тропарь, глас 2 Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ святи́телю Игна́тие,/ моли́ Христа́ Бо́га// спасти́ся душа́м на́шим. Кондак,глас 3 Сия́нием Ду́ха Пресвята́го, му́дре,/ просвеща́емь, святи́телю Игна́тие,/ и прему́дростию оби́льно укра́шен,/ всем показа́лся еси́ рачи́тель мона́шескаго жития́,/ и Правосла́вия степе́нь и утвержде́ние.// Те́мже зове́м ти:// ра́дуйся, о́тче преподо́бне, церко́вное украше́ние. Молитва О, вели́кий уго́дниче Христо́в, святи́телю Игна́тие, патриа́рше Ца́рствующаго гра́да Константи́нополя! Ты от ю́ности твоея́ Христа́ возлюби́л еси́, и Тому́ невозвра́тным по́мыслом после́довал еси́. Сего́ ра́ди во дни гоне́ний на Це́рковь Бо́жию мно́гия ско́рби и изгна́ния претерпе́л еси́, оба́че ве́ру непоколеби́му сохрани́л еси́. Моли́ о нас Всеми́лостиваго Бо́га, да пода́ст нам грехо́в оставле́ние, душа́м на́шим спасе́ние и ве́лию ми́лость. Я́ко да твои́ми моли́твами огражда́еми, изба́вимся от враг ви́димых и неви́димых, и от вся́кия ско́рби и ну́жды, и Ца́рствия Небе́снаго сподо́бимся, иде́же ку́пно с тобо́ю просла́вим Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь. Православный Канал ПУТЬ К ВЕРЕ
Канал в каталоге Максиметера
811 подписчиков · Религия