ЭГӀВАЬ САГ — 17 сентября 2026 г. в 19:55:25.181
ЭГӀВАЬ САГ Сагах ишта алар мичара доагӀаш да хой шоана? Эггара хьалха "эгӀа" яхача деша маӀанга хьожаргда вай. ЭгӀеи магӀеи моллагӀча хӀаман ши йист я, эгӀе лохахьа йолаш, магӀе лакхахьа йолаш. Масала, вай лоамашка Оалкам яхаш ши юрт улл, лакхахьа уллар МагӀара Оалкам я, вожа ЭгӀара Оалкаи я. Иштта а адама магӀе — корта ба, эгӀе — ши ког ба. ГӀалгӀай бусалба хилалехьа дукха хӀамаех тешаш хиннаб. Дезалхо малхвоалача хана, ший наьна кера чура корта хьалха болаш малхвоал. ХӀаьта наггахь юхамаччахьа ши ког хьалха болаш а нийслу. МоцагӀа бер ишта дича из Ӏовдала хургда аьнна хеташ хиннад. ЭгӀваьв е эгӀъяьй — юхамаччахьа малхваьннав яхилга да, цу хана денз “Ӏовдала” маӀане дӀасаца.
53 просмотров