Исламда кыз бала җаваплылык кына түгел, ә иң элек Аллаһның зур рәхмәте һәм нигъмәте.
Исламда кыз бала җаваплылык кына түгел, ә иң элек Аллаһның зур рәхмәте һәм нигъмәте. Пәйгамбәребез ﷺ кыз балаларга игелекле булырга өндәгән һәм аларны сөеп, кадерләп тәрбияләүне Җәннәткә илтүче сәбәпләрнең берсе иткән. Кыз бала — кайберәүләр уйлаганча көчсезлек түгел. Ул — өйгә җылылык, гаиләгә ямь, күңелләргә нур алып килә. Аны кадерләп, хөрмәтләп үстергән кешегә Аллаһ та игелеге белән җавап бирер. Расүлебез ﷺ әйткән: «Кемнең кыз балалары булып, аларга яхшылык кылса, алар аның өчен Җәһәннәм утыннан пәрдә булырлар». Бохари һәм Мөслим риваятьләре. 🤲 Йә Раббебез! Безгә изге, иманлы һәм күркәм холыклы кыз балалар насыйп ит. Аларны безнең өчен күзләребезнең нуры һәм күңелләребезнең шатлыгы кыл. Аларга бәрәкәт бир, йөрәкләрен Үзеңә итагать итү белән нурландыр. Аларны яхшы тәрбияләп үстерергә көч һәм сабырлык бир. Безнең аларга кылган һәр игелегебезне кабул итеп, Үзеңнең ризалыгыңа ирешүебезне насыйп ит. Әмин, йә Раббәл-галәмин! https://max.ru/join/YcOlly2GdDssuDxpXysWiejaw5zVVF_Z4WZAOHF5m34