Хәерле, матур, тыныч, имин ял көннәре, Дөньядашларым!🥰 — 26 июля 2026 г. в 06:44:05.725
Хәерле, матур, тыныч, имин ял көннәре, Дөньядашларым!🥰 Кышка еракмы әле анда?...🙄😁 Бүген кисәк кенә кышны сагынып куйдым... Бигрәк тә чыршы бизәлгән мизгелне... Быел февральдә үк сүттем шул чыршыны... Алдагы еллардагы кебек май-июньгә хәтле торган булса, бәлки бу кадәр сагынып та өлгермәгән булыр идем дә бит...🤔🤣 Үзем промох бирдем... Только, зинһар дим, мөселманнарга яңа елны бәйрәм итәргә, чыршы бизәргә ярамый, гөнаһ, дип язмагыз әле, яме?!... Мин мөселман, Әлһәмдүлилләһ, әмма ул хәтле фанатлы диндар түгелмен, күңел кушуы буенча яшим, нәрсә гөнаһ, нәрсә намаз икәнен аерам, булганына шөкер итәм, булмаганына хәерлегәдер, дип әмин тотам. Әүлия түгелмен, кимчелекләремне үзем беләм, гөнаһларымны Ходай үзе билгеләр.... Чыршы бизәп, якыннарым белән тәмләп чәй эчүләребез гөнаһка саналса, анысын да үзем күтәрермен... Гел әйтәм, минем өчен календарьдагы бәйрәмнәрнең әллә ни әһәмияте юк, һәр яңа туган таңым, үзе зур бәйрәм... Менә шул. Атуса, берәр видео куйган саен, тотыналар кайберәүләр... Яулыктан алай ярыймы, килешәме, дип... Яулыкны мин үзем өчен яптым, күңел хәләтем теләгәнгә, Аллаһы Тәгаләгә мин үземне белештерә башлаганнан бирле ышанам, табынам. Яулык ябып, намаз укулар, ул кешенең үзе өчен, гөнаһларны бетерер өчен түгел, бөтенесе безнең өстә, намаз укып кына гөнаһлар кичерелсә икән, бөтен дөньясы гөнаһ эшләр иде дә, намазга чабыр иде, барыбыз да туп туры җәннәткә йөгерер идек, гомер буе кылганнар өчен күңел газабы кичереп яшәмәс идек, картлыкка кергәч, мәңгелеккә киткәч Ходай каршында ничек җавап тотарбыз икән дип уфтанып утырмас идек... Яулык, дин, дога, намаз, ул кешенең үз эше, күңел эше, җан тынычлыгы...Аллаһның барлыгына, берлегенә, Аның кодрәте зурлыгына, рәхмәте киңлегенә инанып, Калганнардан бер-ике баскыч югарырак торган сыман, әмма ләкин Әүлиягә әйләнү дигән сүз түгел. Дингә бирелү - фәрештәгә әйләнеп, канатлар үсү, дигән сүз түгел ул! Кеше шул юлга керде икән, димәк, Аллаһы аны шул тарафка әйдәгән. Мине, мәсәлән, сынаулар, авырлыклар аша, җан газаплары, тормыш киртәләре аша алып килде Үз юлына. Һәркемнең үз вакыты! Менә шул. Бәйләнмәгез дә. Яулыкны да, намазларны да сорамагыз бүтән. Анысы минем выбор. Мин барыбер шул ук Алинә! Барыбыз да бер, гөнаһларыбыз да һәрберебезнең үзенеке үзенә! Беребез дә гөнаһсыз түгел, кеше күргәннәре - ишеткәннәреннән - сөйләгәннәреннән тыш, Ходайның Үзенә билгеле булганнары да җитәрлек! Ә бу тормышта мин бирелгәнен яшим, Яңа елны табын корып, гаиләмне җыеп ,тәмләп ашыйм, чыршы каршына басып биим, бүгенгемә шөкер итеп, тәм табып яшим. Иң мөһиме, кеше рәнҗетеп, адәм баласының күз яшен түктереп, күңелен җәрәхәтләргә язмасын, кеше гомеренә, тормышына зыян салулардан сакласын, балаларымны яман юллардан, имансыз күңелләрдән, намуссыз кешеләрдән, кара җаннардан араласын! Әәмиин!🤲🤲🤲 Ныклы Сәламәтлек, бәрәкәтле озын гомерләр, якты, мул тормыш барыбызга да! Башка бу теманы кузгатмыйм, яме!