Вакыт ага гына... — 24 июля 2026 г. в 14:10:01.559
Вакыт ага гына... Бернигә өлгереп булмый сыман. Әле генә таң атты кебек иде, кай арада киче җитте, диярсең... Шул ком сәгате кебек мизгел эчендә агып бетүче вакытның ник кадерен белмидер инде адәм баласы... Мәш килә, гүяки китмәскә килгән... Баштарак, мәңге шушы халәттә яшәрбез сыман ки... Ә якадан китереп тоткач үкенеп туя алмыйбыз, ник юкка сарыф иттем икән гомеремне, ник кирәкмәгән белән тутырдым икән тормышымны, ник сакламадым үземне, ник тыңламадым йөрәкне, ник аклыгын сакламадым күңелемнең, ник нәфесемне тыймадым , дигән сораулар белән җанны актарабыз... Үкенечләр күп... Үтеләсе үтелгән... Күбебез бит инде яшәгән хәтле яшәмәбез дә тагы... Ә, юк... Әле яңа елны каршылыйсы бар, әле 4-5 елдан моны эшлисе бар, әле... Иртәгәсен уяна алсам иде, дип күпмебез уйланып ята икән йокларга ятканда? Секунд эчендә бар да үзгәреп куя... Дөнья асты-өскә килергә мөмкин... Уйламыйбыз инде... Дөньяның тоткасы кебек кыланабыз, әйеме?